Description
Ofrohet vend pune Avokat/e Zyrë avokatie në Tiranë ofron vend pune Avokat/e me kohë të plotë. Kandidati duhet: - të jetë i pajisur me licencën e ushtrimit të profesionit të avokatit; - të ketë së paku 1 vit eksperiencë pune në zyrë avokatie dhe të ketë përfaqësuar në gjykatë kryesisht çështje në sferën e së drejtës civile, përfshirë fazën e ekzekutimit të detyrueshëm të titujve ekzekutivë dhe çështje në sferën e së drejtës administrative, por pa u kufizuar në to; - të dijë të hartojë aktet e nevojshme procedurale për procesin gjyqësor; - të jetë njohës i mirë i gjuhës angleze; - të përdorë programet bazë kompjuterike ( Word, Excel ); - të ketë lejedrejtim automjeti të kategorisë B; - të karakterizohet nga etika profesionale dhe të jetë i komunikueshem me klientët. Kushtet e punës: - orari i punës është nga dita e hënë në ditën e premte, ora 08:30 - 17:00, me 30 minuta pushim dreke; - dita e shtunë, dita e dielë dhe ditët e festave zyrare janë ditë pushimi; - leja vjetore është 22 ditë pune, e shpërndarë gjatë vitit ( 10 ditë pune në muajin gusht, 6 ditë pune në muajin nëntor dhe 6 ditë pune në muajin mars ); - paga fillestare është 60 000 lekë në muaj, neto, me mundësi rritje pas muajit të tretë të punës, në bazë të rezultateve të arritura dhe performancës në punë; - 3 muajt e parë janë kohë prove. Personat e interesuar të dërgojnë CV-në dhe kualifikimet përkatëse në adresën postare elektronike [email protected] Kandidatët e përzgjedhur do të njoftohen në e-mail për të marrë pjesë në një intervistë pune.
